Wasiirkii dowlada NAZI ga Jarmalka u qaabilsanaa arimaha dacaayadaha Joseph Goennels wuxuu yiri "“If you tell a lie big enough and keep repeating it, people will eventually come to believe it" kaasoo hadii la fasiro u dhow " hadii aad sheegto been aad u weyn oo marar badan aad ku cel-celisid, ugu dambeyn dadku way aaminayaan", saa awgeed ayaa sanadadii ugu dambeysay waxaa warbaahinta nooc walba ah ku soo kordhay wararka been abuurka ah ama FAKE NEWS, kuwaasoo loo isticmaalo nooc walba oo warbaahin ah, hadii ay ahaan lahayd TV, JARAA'IDYADA iyo SOCIAL MEDIA. Warbaahinta Somalida ayaa ku biirtay isla markaana maalin walba soo bandhigta waxyaabo si fudud looga dhaadhicyo bulshada ku xiran warbaahinta.

Shabakada SolaPortal waxay idin soo bandhigeysaa FAKE NEWS aad u farabadan iyo sida lagu ogaan karo.

Sababaha ugu badan ee loo abuuro FAKE NEWS waa iyadoo la doonayo in dadka laga dhaadhiciyo wax aan jirin si loo gaaro hami uu shaqsi ama dad jamac ah ay leeyihiin.

Qoraalo kala duwan ayaan ka diyaarinay arimahan FAKAE NEWS oo ay ka mid yihiin kuwan hoose:

RIIX LINKIYADA HOOSE SI AAD U AQRISID QORAALADA:

Shabakada SolaPortal waxay hore u soo bandhigtay qoraalka hoose oo BEEN ABUUR ah, kaasoo la yiri waa wada shaqeynta AL-SHABAAB iyo SOMALILAND.

WADA SHAQEYNTA SOMALILAND IYO AL-SHABAAB EE LA YIRI WAXAA SOO QORAY WARIYAAL SWEDISH AH MAXAA KA JIRA?

Shabakadan waxay kaloo soo ogaatay waraaqo BEEN ABUUR ah oo la yiri waxaa ku wada hadlay waaxda jinsiyada Somaliya iyo Wasiir Waran-cade

WARAAQDA WARAN-CADE U DIRAY GENERAL GAAFOW EE BAASABOORADA MAXAA KA JIRA?

Waxaa kaloo aqristayaasha shabakada ay aad ula dhaceen aqbaartii aan ka diyaarinay doorashada Somaliland iyo FAKE NEWS. 

DOORASHADA SOMALILAND IYO FAKE NEWS !

SolaPortal waxay soo bandhigtay BEEN ABUURKA fariimaha Facebook iyo sida loo sameeyo.

MAXAA KU QASBAY ABDULLAHI XIIREY IN UU DURAN FARAH BEEN ABUUR KAGA SAMEEYO FACEBOOK MESSAGE ?

Arimaha BEEN ABUURKA oo qaarkood u badan rag iska dhicis ayaa SolaPortal ay waqti dheer gelisay si ay banaanka u soo dhigto, qoraalka hoose waxaan ka diyaarinay arimo ka dhacay wadanka Masar oo la yiri dad Somali ah ayaa KELIYAHA lagala baxaa.

ARINTA DADKA LA YIRI KELIYAHA AYAA LAGALA BAXAY EE MASAR MAXAA KA JIRA?

Fake news waxaa inta badan loo isticmaalaa in hay'adaha dowlada iyo ganacsata baad looga qaado, qoraal BEEN ABUUR ah oo laga sameeyay safaarada Somaliya ay ku leedahay wadanka Turkida.

MAXAA KA JIRA WARAAQDA LA YIRI WAXAY KA SOO BAXDAY SAFAARADA SOMALIYA EE ANKARA OO LOO QORAY SHAQSIGII ISKU QARXIYAY DAALLO AIRLINE?

SolaPortal waxay ku guuleysatay in ay soo bandhigto shaqsiyo ONLINE dadka ku BIIQSADA isla markaana shaqo ka dhigtay in RAG iyo DUMARBA ay dabin u dhigtaan.

MAXAA KA JIRA AXMED KALAAY OO LA YIRI GABADHIISA AYUU KUFSADAY?

SolaPortal waxay aqristayaasheeda u soo bandhigtay waraaq BEEN ABUUR ah oo laga sameeyay Madaxweynaha Puntland Dr Gaas.

WARAAQDA BEEN ABUURKA AH EE MADAXWEYNAHA PUNTLAND LAGA SAMEEYEY IYO DACWADA BADDA SOMALIA IYO KENYA

Sababaha ugu badan ee kalifay FAKE NEWS waa iyadoo dadka baahiya ay ka dambeeyaan dad awood siyaasad ama ganacsi leh oo doonaya in dagaal dahsoon ay ku qaadaan dad ay kaga guuleysan waayeen waxa runta ah ee jira.

Waxyaabihii ugu muhiimsanaa ee aan ka bartay CIJ oo ah The Centre For Investigative Journalism, waxaa ka mid ahaa in dadka sameeya FAKE NEWS marwalba ay QALAD galaan ama MISTAKE ay sameeyaan, waxaa laga doonayaa wariyaha in uu BEENTAA qarsoon soo saaro.

Tusaalaha hoose oo ah CLASSIC FAKE NEWS si fiican u eeg, waxaa la faafiyay waraaq BEEN ABUUR ah oo la yiri waxay ka soo baxday xafiiska RA'IISAL WASAARAHA oo lagu dhiibay QALBI DHAGAX, si fiican u eeg seddexda sawir:

Iminka aan isla eegno waraaqda ay PHOTOSHOP ku masaxeen si ay uga been abuurtaan xafiiska RA'IISAL WASAARAHA, iyagoo aqristayaasha ka dhaadhiciyay in ay eegaan saxiixa Mr Kheyre:

Waraaqda dusha waa mid sax oo dhanka dambe ka wadata ASTAANTA QARANKA, PHOTOSHOP si fiican uma aqoon oo way dulsaari kari waayeen.

Warbaahinta ka hawl gasha magaalada Muqdisho waxay soo qoreen iyagoon wax cadeyn ah soo raacin ama oran aqbaar aan ka helnay ILA HOOSE "SOURCE" qoraalada hoose oo mas'uul ka tirsan nabad sugida Somaliya ay ku eedeen in lagu qabtay isla markaana lagu xiray Muqdisho ka dib markii lagu helay BOORSO ay ku jiro 1 MALYUUN DOOLAR oo ula dhoofayey TURKEY ama BAYDHABO!, ugu horeyn aan isla eegno labada qoraal ee BEEN ABUURKA ah.

Isla shaqsigii ay BEEN ABUURKA ka sameeyeen ayaa waxaa la arkay isagoo maalin ka dib xilka ku wareejinaya Taliyaha cusub ee NISA, raali gelin kama aysan bixin cid u soo raacdayna ma jirto.

Tii ugu yaabka badneyd ee maalmihii ugu dambeeyay aan ku aragno baraha INTERNETKA waxay ahayd mid runtii lagu tilmaami karo WAALI, wasiirad ka tirsanaan jirtay dowladii hore ee Somaliland oo lagu magacaabo Mrs SAM-SAM CABDI AADAN ayaa warbaahin aad u farabadan ay soo tabiyeen in ay ku sugan tahay caasimada SOMALIYA Muqdisho "shabakada SolaPortal waxba uma aragto in ay tagto Muqdisho" laakiin inagoo baaritaanka sii wadna waxaan aragnay arimahaas in ay ahaayeen kuwa runta ka fog.

Markii arimaha BEEN ABUURKA ah ee laga sameeyay Mrs SAM-SAM CABDI AADAN ay cadaatay ayaa isla warbaahintii soo daabacaday waxay isku dayeen in ay la yimaadaan cadeyn ay ku soo bandhigayaan in ay ka dhooftay MUQDISHO iyadoo TRANSIT ku sii ah ISTANBUL ka dibna DUBAI ay u gudubtay, bal aan isla eegno cadeymaha ay soo bandhigeen.

Bal indhaha ku dhufo sida qada madow ay u isticmaaleen, iyagoo isku dayey in magaca gabadha ay raaciyaan, tan kale waxaan mooday in aan ku jirno bishii FEBERAAYO oo maxay u ilooween in ay ka bedelaan 16 agoosto?, waxaa ka sii darn FLIGHT FROM MOGADISHO to DUBAI VIA ISTANBUL ileen TURKISH AIRWAYS si toos ah ugama duusho MOGADISHO iyadoo u socota DUBAI!.

Waxaan ku waanin lahaa dadka PHOTOSHOPKA si fiican u aqoon in ay ku soo biiraan shabakada solagroups.com oo lagu bari doono sameynta TIKITYADA BEEN ABUURKA ah ee RUNTA u dhow.

Shabakada SolaPortal waqti aad u badan ayay gelisay in ay soo bandhigto FAKE NEWS, kuwa ugu xiisaha badan waxaan soo dhigaa BARTEYDA FACEBOOK oo aad ka eegi kartaan LINKIGA HOOSE: 

FAKE NEWS FACEBOOK LINKS

Hadii aad ka shakisid SAWIR, VIDEO ama QORAAL aad isleedahay waa FAKE NEWS, fadlan email u soo dir solaportal@gmail.com si aan u sameyno baaritaan.

Qore: Abdinasir Ismail "SOLA"

 Investigative Journalist

 La xiriir: solaportal@gmail.com